- დანართი B -ს შევსების დროს, ცალკეულ კითხვებზე პასუხის გაცემის პარალელურად, ბიუჯეტის ექსელის ცხრილიც ჩავსვათ იგივე ფაილში თუ ექსელის ფაილი ცალკე დანართის სახით დავურთოთ? თუ ცხრილიც ჩავსვათ და თან ცალკე ფაილის სახითაც დავურთოთ?
- არ არის აუცილებელი ცალკე დანართი, იგივე დანართში შეგიძლიათ ჩასვათ. 



- თუ სააპლიკაციო ფორმა და დანართები ინგლისურ ენაზეა წარმოდგენილი, საჭიროა თუ არა ქართული ვერსიების წარმოდგენაც?
- თუ სააპლიკაციო ფორმა და დანართები ინგლისურ ენაზეა წარმოდგენილი არ არის აუცილებელი მათი ქართულ ენაზე წარმოდგენა.

- ერთ-ერთ პრიორიტეტულ საგრანტო საკითხად მითითებულია „საერთაშორისო ენერგო ორგანიზაციასთან, აშშ-თან, ევროპასთან, შავი ზღვის ქვეყნებთან და მეზობელ ქვეყნებთან რეგიონალური თანამშრომლობის მხარდაჭერა“. გთხოვთ, განმარტოთ თუ რა მოიაზრება ამ პუნქტში.
- „მხარდაჭერა“ ამ შემთხვევაში ნიშნავს ენერგოეფექტური და/ან განახლებადი ენერგიის პროექტებს. პროექტი, რომელსაც წარმოადგენთ, უნდა მოიცავდეს ენერგეტიკის საკითხებს.
 

- შეუძლია თუ არა განმცხადებელ არასამთავრობო ორგანიზაციას ქვეკონტრაქტორად დაიქირაოს კერძო კომპანია?
- დიახ, შესაძლებელია რომ კერძო კომპანია იყოს ქვეკონტრაქტორი.

- განცხადებაში მითითებულია, რომ „აშშ-ის  საერთაშორისო განვითარების სააგენტოს გრანტის მიღების მიზნით, კონკურსის მონაწილეებმა სასურველია ჩადონ ფინანსური ან სხვა სახის (ფიზიკური, მატერიალური ან ინტელექტურალური) რესურსები და ამავდროულად მათ მოეთხოვებათ აშშ-ის საერთაშორისო განვითარების სააგენტოს პროექტის დასრულების შემდგომი მდგრადობის შენარჩუნების გეგმების წარმოდგენა“, ხოლო განაცხადის ფორმაში მითითებულია, რომ “კონკურსის მონაწილეებს ეძლევათ წახალისება რომ წარმოადგინონ თანამონაწილეობის გეგმა, რომელშიც მითითებული იქნება ფინანსური ან სხვა სახის (ფიზიკური, მატერიალური ან ინტელექტუალური) რესურსები, რომლის საშუალებითაც მოხდება პროექტის განხორციელება”. რას ნიშნავს ეს – მოთხონვას თუ რეკომენდაციას?
– როგორც მითითებულია განაცხადის ფორმაში, თქვენ უნდა წამოადგინოთ სრული პროექტი დეტალური ბიუჯეტით და ზემოაღნიშნული ინფორმაციით.

- თანამშრომლების სახელები და გვარები არის მისათითებელი ბიუჯეტის ფორმებში, ამ მომენტისათვის გარკვეული თანამშრომლები არ გვყავს შერჩეული, თუ გრანტს არ მივიღებთ აზრი არ აქვს შერჩევას, და თუ შეიძლება ვინაობა არ მივუთითოთ? ასევე არის მოწვეულ ექსპერტებზეც ასევე ქვეკონტრაკტორებთან ხელშეკრულებებს ვერ გავაორმებთ სანამ გრანტს არ მივიღებთ.
- თუ არ გყავთ შერჩეული თანამშრომლები, შეგიძლიათ კომენტარებში მიუთითოთ და არ დაასახელოთ მათი ვინაობა.

- ბიუჯეტის ექსელის ფაილში არის გრაფა ჰონორარები. რას უნდა მოიცავდეს ეს ჰონორარები? კონსულტანტების და ექსპერტების ანაზღაურება ცალკე გრაფაში არის. ასევე, გრაფა არაპირდაპირი ხარჯების  პუნქტი „პირდაპირი ხარჯების პროცენტი"- რას მოიცავს, ზედნადებ ხარჯებს?
- რაც შეხება ბიუჯეტს, აუცილებელი არ არის მითითებული ფორმის გამოყენება. თქვენ შეგიძლიათ შეცვალოთ ფორმა და მოარგოთ თქვენსავე პროექტს.