31 აგვისტოს ამერიკის შეერთებული შტატების ელჩმა, ჯონ ბასმა და საქართველოს ენერგეტიკისა და ბუნებრივი რესურსების მინისტრმა, ალექსანდრე ხეთაგურმა თუშეთის სოფელ შენაქოში მცირე ჰიდრო ელქტრო სადგური საზეიმოდ გახსნეს. ჰიდრო ელექტრო სადგური სუფთა, განახლებად ენერგიას მიაწვდის სოფლის 60-მდე ოჯახს, ისევე როგორც ახლო მდებარე საქართველო-ჩეჩნეთის საზღვარზე მდებარე საგუშაგოს.
აშშ-ს მთავრობამ ტექნიკური დახმარების გზით აშშ-ის განვითარების სააგენტოსა და მისი პარტნიორი ორგანიზაციის „ვინროკ ინტერნეიშალი“ მეშვეობით ამ პროექტის დასაფინანსებლად სამი წლის განმავლობაში 87.000 ათასი აშშ დოლარი გამოყო. პროექტის დასრულებაში მნიშვნელოვანი წვლილი თვით სოფელ შენაქოს მოსახლეობამ შეიტანა. ამასთან საქართველოს ენერგეტიკისა და ბუნებრივი რესურსების სამინისტრომ დააფინანსა სოფლამდე ელექტროგადამცემი ხაზის მშენებლობა.
უკვე ხელმისაწვდომი ელექტროენერგია წლის განმავლობაში სეზონურ მაცხოვრებლებს უზრუნველყოფს უსაფრთხოებითა და სატელეფონო კავშირით და აგრეთვე, წაახალისებს ეკონომიკურ შესაძლებლობებს, მათ შორის, ტურიზმის ინდუსტრიის განვითარებას მთიან რეგიონში. ელექტრო სადგურს გააჩნია საკმარისი სიმძლავრე რომ ელექტროენერგიით მოამარაგოს სოფელი შენაქო და მისი მეზობელი სოფლები.
„ჩვენ აქტიურად ვმონაწილეობდით ამ პროექტში. მნიშვნელოვანია, რომ ორი ათწლეულის შემდგომ სოფელ შენაქოს მოსახლეობას ელექტრო ენერგია მიეწოდება და მოსახლეობის ცხოვრების დონე გაუმჯობესდება“ - განაცხადა აშშ-ის ელჩმა ჯონ ბასმა.
„ადგილობრივი მოსახლეობისთვის ძალზედ მნიშვნელოვანია ელექტრომომარაგება ზაფხულში კონფორტული პირობებისთვის, ხოლო ზამთარში სოფელში დარჩენისთვის. სოფლის მოსახლეობისთვის ელექტროენერგია უკვე ხელმისაწვდომია. მომავალში ჩვენ ვიზრუნებთ ომალოსა და დიკლოზე“- განაცხადა საქართველოს ენერგეტიკისა და ბუნებრივი რესურსების მინისტრმა ბ-მა ალექსანდრე ხეთაგურმა.
„ეს არის წინ გადადგმული ნაბიჯი ტურიზმის განვითარების მიმართულებითაც: უფრო მეტი ტურისტის მოსაზიდად და მეტი საოჯახო ტიპის სასტუმროების აშენებისთვის. ჩვენ გაჩერებას არ ვაპირებთ, ჩვენ სხვა სოფლებს მსგავსი ადგილობრივი მცირე ჰიდროელექტრო სადგურით უზრუნველყოფას ვგეგმავთ“. - განაცხადა პეტრე ცისკარიშვილმა, საქართველოს პარლამენტის მაჟორიტარმა დეპუტატმა ახმეტის რეგიონიდან.
