ამ კომპონენტში შემავალი ღონისძიებები ხელს შეუწყობს ენერგეტიკის ანალიზს, საპილოტე პროექტების განხორციელებას და ენერგეტიკულ უსაფრთხოებასთან დაკავშირებულ საკითხებზე გამართულ დიალოგს დაინტერესებულ მხარეებს შორის. ამ კომპონენტში გთვალისწინებულია არასამთავრობო ორგანიზაციების და უნივერსიტეტების ქვე-გრანტების გაცემა იმისათვის, რომ მათ შეაგროვონ ენერგეტიკული ანალიზისათვის საჭირო დამოუკიდებელი და მაღალი ხარისხის მონაცემები და ჩაატარონ კვლევები, რომელთა შემდეგაც განხორციელდება საპილოტე პროექტები. ჩატარდება სემინარები და სიმპოზიუმები სხვადასხვა ენერგეტიკულ თემებზე. სემინარის მიზანია დაინტერესებული მხარეების ინფორმირება, დისკუსიებისთვის მომზადება და ზეგავლენის მოხდენა ხელისუფლების წარმომადგენლებზე, გადაწყვეტილების მიმღებ პირებსა და მედიაზე.
პროექტით გათვალისწინებულია ენერგეტიკულ განათლების ხელშეწყობა სამაგისტრო და პროფესიულ სასერტიფიკატო პროგრამების დონეზე, რათა ჩამოყალიბდეს კვალიფიციური ადამიანური რესურსები ენერგეტიკის სფეროში.
პროექტით ასევე გათვალისწინებულია მაგისტრის ხარისხის მქონე კურსდამთავრებულებისათვის სტაჟირებისა და დასაქმების პროგრამების ხელშეწყობა.