2008 წელს, საქართველოში, ბრითიშ პეტროლიუმის, აშშ-ის საერთაშორისო განვითარების სააგენტოსა და ევროპის უსაფრთხოებისა და თანამშრომლობის ორგანიზაციის მხარდაჭერით “ენერგო ავტობუსის” პროექტის განხორციელება დაიწყო ენერგოეფექტურობის ცენტრის მიერ. მას შემდეგ რაც ეუთომ ქვეყანა დატოვა, “ენერგო ავტობუსის” პროექტი ბრითიშ პეტროლიუმისა და აშშ-ის საერთაშორისო განვითარების სააგენტოს მიერ დაფინანსებული და ვინროკ ინტერნეიშალის მიერ განხორციელებული პროექტის “თანამედროვე ენერგოეფექტური ტექნოლოგიების და განათების ინიციატივა”-ის მხარდაჭერით ხორციელდება. “ენრგოავტობუსის” პროექტის განახლებისა და წარმართვისთვის, ენერგოეფექტურობის ცენტრი ორივე მხარის მიერ დაფინანსდა. ცენტრი ამ პროექტს 2008 წლიდან წარმატებულად ახორციელებს. პროექტ ”ენერგო ავტობუსის” მიზანია:
- ცნობიერების ამაღლება საქართველოს მოსახლეობაში ენერგომოხმარების უსაფრთხო და ეფექტური გამოყენების შესახებ, და
- განახლებადი ენერგიის და ენერგოეფექტური ტექნოლოგიების ხელმისაწვდომობის გაუმჯობესება სხვადასხვა საშუალებებით, მათ შორის, პრაქტიკული ინფორმაციის მიწოდების გზით, ასევე რენტაბელურობისა და გარემოს დაცვის თვლსაზრისით გამართლებული მეთოდების მოძიებაში დახმარების გაწევის გზით.
